Korpa 17.6.2009

Spilaði fyrri 9 með tveimur boltum. Var býsna jafn, 18 punktar með öðrum og 19 með hinum

45 og 46 högg, sem er býsna gott. Eiginlega það besta í sumar.

Þrípúttaði aldrei og forgjöfin lækkaði í 21.1

Sjáum til hvort ég nenni á morgun kl 13.

Korpa 15.6.2009

18 holur með Jóni P, Tryggva. Aron Freyr var kaddí og púttari.

98 högg, 32 punktar(16/16), bogey á tólftu(þrátt fyrir vít), sem er met held ég hjá mér.

34 pútt, 4 pör, 6 skollar, 8 skrambar

7/13 brautir, 3/18 flatir.

Sæmilegasti hringur í fínu veðri. Kennari á morgun, sjáum hvort þetta lagist ennþá meira þá.

Forgjöf ennþá 21.5

Hamarsvöllur 12.6.2009

Nóa-Siríusmót

99 högg, 33 punktar

5 pör, 4 skollar, 9 skrambar

7/13 brautir, 3/18 flatir   33 pútt

13 punktar á fyrri 9 og 20 á seinni, spilaði sem sagt miklu betur á seinni 9 og paraði 5 af síðustu 6 þar, eina sem klikkaði var eyjuholan, þvoði 3 bolta þar.

Garðavöllur 11.6.2009

ABC-bikarinn

spilaði þokkalega en tapaði 32-37

Sem sagt 32 punktar, 99 högg, var ekki með skráningu á höggum, þ.e. flötum og slíku.

Var með 5 punkta eftir 6 holur þannig að ég er býsna sáttur með 32 punkta

Borgarnes á morgun, Nóa-Siríus mót

Fimmtudagsgolf

ABC-bikarinn

Á morgun fer ég á Garðavöll að spila í ABC-bikarnum, keppi þar við heimamann, punktakeppni. Hann er með um 16 í forgjöf og er á heimavelli. Fróðlegt að sjá hvort ég get strítt honum aðeins.

Allavega nýr völlur, eða réttara sagt fyrsta skipti sem ég spila hann á þessu ári, spilaði víst þarna einu sinni í fyrra. Forgjöfin er 21.5 í dag.

Nóa-Siríus mót á föstudag í Borgarnesi, spurning um að reyna síðan að spila völlinn við Bifröst á laugardag á leiðinni heim, þ.e. ef ég fer í Hraunbrún eftir mótið á föstudag.

Kálfatjarnarvöllur 9.6.2009

Blíða á Vatnsleysuströnd

Ekki sérlega blíðlega spilamennska, 25 punktar, 37 pútt

Brautir 10/14 en 2 flatir af 18. Skondið að spila völl sem maður hefur aldrei séð áður. Þetta var annars vormót valitor, ég fæ lítið af verðlaunum þar

Kominn tími annars til að spila betur, á að fá meira en þetta af punktum miðað við hvað ég hitti brautirnar ágætlega.

Sérlegur kaddí var Aron Freyr, hann fór létt með að labba þessa ca. 8 kílómetra

Læknavaktin-Smáratorgi

já og smá golf

 Allavega, Steinunn er búin að vera veik síðan á fimmtudag, slatta hita og hósta og stöff. Fórum á laugardagskvöldið á Læknavaktina Smáratorgi, ég nennti ekki að bíða frammi þannig að ég fór með henni inn til (skottu)læknisins.

Hún var ekki sest þegar hann tilkynnti henni að hún væri með flensu, var sem sagt að segja honum frá því að hún væri búin að fá mikinn hita um leið og hún kom inn í herbergið þarna. Hann sagði reyndar strax "þú veist hvað þetta er, þetta er flensa" Hlustaði aðeins og sendi hana síðan út með þeim skilaboðum að hún ætti að taka íbúfen eða panódíl og yrði góð eftir 7-10 daga.

Þessi svokallaði læknir eyddi hámark 3 mínútum í að tékka á því hvort eitthvað væri að og þar af var hann að minnsta kosti helminginn af tímanum að slá eitthvað inní tölvuna, sennilega skýrslu sem hann getur svo rukkað eftir.

Fór til raunverulegs læknis í dag sem sendi hana í myndatöku og hún er sem sagt með lungnabólgu,ekki "bara flensu"

Reyndar var læknirinn sem Steinunn fór til í dag hneykslaður á því að hún hafi ekki fengið sýklalyf á laugardaginn. 40 stiga hiti og frekar slæmur hósti ætti að vera nóg til að gefa sér kannki auka mínútu til að skoða almennilega.

Verst að ég man ekki hvað sauðurinn heitir sem var að vinna í akkorði á laugardagskvöldið á Smáratorgi. Hann hefur samt sennilega fengið ágætlega greitt fyrir vaktina, ef hann afgreiðir alla á 3 mínútum þá nær hann 20 á klukkutíma og getur rukkað tryggingastofnun og almenning slatta fyrir það.

Er annars á leið á golfmót á eftir, kl 17 á Vatnsleysuströnd. Minime verður kaddí, það boðar gott.

Grafarholt 6.6.2009

Grafarholt í brakandi blíðu

Ekki sem verst, einhver smá slatti af lélegum höggum en fleiri góð.

98 högg(48/50), 31 punktur, 4 pör, 4 skollar, 10 skrambar

4/14 brautir, 2/18 flatir

Vandamálið helst að ég hitt ekki vel af teig, 36 pútt er heldur í meira lagi líka. Ekki alvitlaust samt.

Forgjöf 21.4

Korpa 5.6.2009

Ekkert spes á Korpu í dag, skemmtilegt reyndar að spila með Sverka en spilið gekk svona lala

106 högg, 24 punktar og forgjöfin komin í 21.3

2 pör, 5 skollar, 11 skrambar

8/13 brautir og 1/18 flatir

35 pútt

18 í Grafarholti á morgun, verður gaman.

Golfið framundan

Korpa á morgun með Sverka kl 14.10

Aðgangur ókeypis

Spila Grafarholt með Finni og Sigurbirni Hlíðari Jakobssyni, knattspyrnumanninum knáa frá Ólafsfirði á laugardag kl 11.40.